Azərbaycan, Bakı, 20 may /Trend, müxbir E.Tariverdiyeva/
Həştərxanda Azərbaycanın ümummilli lideri Heydər Əliyevin abidəsi üzərinə gül qoyulması mərasimi keçirilib.
Tədbirdə Prezident Administrasiyasının İctimai-siyasi məsələlər şöbəsinin müdiri Əli Həsənov, Həştərxan vilayətinin qubernatoru Aleksandr Jilkin, Bakı şəhəri Nərimanov Rayon İcra Hakimiyyətinin başçısı Abdin Fərzəliyev, deputatlar, Azərbaycan diasporunun nümayəndələri, Həştərxan ictimaiyyəti iştirak ediblər.
Əli Həsənovun başçılıq etdiyi nümayəndə heyəti Həştərxanda Azərbaycanın ümummilli lideri Heydər Əliyevin 90 illiyi ilə bağlı keçirilən tədbirlərdə iştirak edir.
