Azərbaycan, Bakı, 12 sentyabr / Trend, müxbir S.Əhmədova /
Avropa İttifaqı şərq qonşularına dair siyasətində hər zaman açıq olub. Trend-in məlumatına görə, bu barədə Avropa İttifaqının (Aİ) Genişlənmə və Avropa Qonşuluq Siyasəti üzrə komissarı Ştefan Füle Strasbuqrda keçirilən Avropa Parlamentinin plenar iclasında çıxışı zamanı bildirib.
Füle qeyd edib ki, Vilnüsdə keçiriləcək Şərq Tərəfdaşlığı Sammiti Avropa İttifaqının şərqdəki qonşuları ilə siyasi assosiasiya və iqtisadi inteqrasiyasında irəliyə doğru addım olacaq.
"Bizim ortaq maraqlarımız qitəmizdə tərəqqi və sabitlik zonası qurmaq üçün şərq qonşularımızla birgə işləməyi diktə edir".