...

Azərbaycan XİN "Şərq tərəfdaşlığı" sammitində hər hansı sənədin imzalanmasından imtina haqqında məlumatları spekulyasiya adlandırıb

Siyasət Materials 20 Noyabr 2013 13:38 (UTC +04:00)
Azərbaycan xarici işlər nazirinin müavini Mahmud Məmmədquliyev bəzi KİV-in Azərbaycanın "Şərq tərəfdaşlığı" sammitində hər hansı sənədi imzalamaqdan imtina etməsi ilə bağlı yaydığı məlumatları spekulyasiya adlandırıb və buna fikir verməməyə çağırıb.
Azərbaycan XİN "Şərq tərəfdaşlığı" sammitində hər hansı sənədin imzalanmasından imtina haqqında məlumatları spekulyasiya adlandırıb

Azərbaycan, Bakı, 20 noyabr /Trend, müxbir A.Axundov/

Azərbaycan xarici işlər nazirinin müavini Mahmud Məmmədquliyev bəzi KİV-in Azərbaycanın "Şərq tərəfdaşlığı" sammitində hər hansı sənədi imzalamaqdan imtina etməsi ilə bağlı yaydığı məlumatları spekulyasiya adlandırıb və buna fikir verməməyə çağırıb. Bunu çərşənbə günü Trend-ə M.Məmmədquliyev deyib.

"Şərq tərəfdaşlı" dövlətlərinin III sammiti noyabrın 28-29-da Vilnüsdə keçiriləcək.

Nazir müavini bildirib: "Viza rejiminin sadələşdirilməsi haqqında sazişi imzalayacağımız dəqiqdir".

Tərəflər, həmçinin bəzi sahələr üzrə strateji əməkdaşlığa dair saziş, "mobility partnership" (Avropa İttifaqının (Aİ) əmək miqrasiyası siyasətinə dair xüsusi əməkdaşlıq forması), Azərbaycanın Aİ-nin proqramlarında iştirakının iştirakının genişləndirilməsi haqqında protokol və s. sənədləri imzalamağa hazırlaşırlar.

Nazir müavininin sözlərinə görə, əgər tərəflər sammitin başlamasınadək bu sənədləri razılaşdıra bilsələr, bu sənədlər Vilnüsdə imzalanacaq: "Əgər bu baş verməsə, onlar sonra imzalanacaq".

Sammitin yekun bəyannaməsinə gəlincə, M.Məmmədquliyev deyib ki, hazırda onun mətninin razılaşdırılması prosesi gedir.

Məqalədə:
Xəbər lenti

Xəbər lenti