Azərbaycan, Bakı, 1 sentyabr /Trend/
Rusiya Prezidenti Vladimir Putin Ermənistanın Avrasiya İqtisadi İttifaqına qoşulması haqqında müqaviləni imzalamağı tapşırıb.
Trend-in "İnterfaks"a istinadən verdiyi məlumata görə, V.Putin 29 may 2014-cü il tarixli sənədin imzalanması haqqında Rusiya hökumətinin təklifini qəbul etməyi tapşırıb.
Müqavilənin imzalanması üzrə danışıqlarda Rusiyanın İqtisadi İnkişaf Nazirliyinə Nazirlər Kabinetinin bəyəndiyi müqavilənin layihəsinə prinsipial xarakterli olmayan dəyişikliklər etmək hüququ verilib.