...

Seçkilərdən sonra ABŞ-Azərbaycan əlaqələrində prioritet istiqamətlər açıqlandı (YENİLƏNİB)

Siyasət Materials 9 Noyabr 2016 12:27 (UTC +04:00)
Eyni zamanda, qanunun aliliyi, korrupsiya ilə mübarizə sahəsində insanların görmək, yaşamaq istədiyi bir şəraitin yaradılması istiqamətində də əməkdaşlıq etmişik.
Seçkilərdən sonra ABŞ-Azərbaycan əlaqələrində prioritet istiqamətlər açıqlandı (YENİLƏNİB)

Bakı. İlhamə İsabalayeva - Trend:

"Münasibətlərimizin kifayət qədər uzunmüddətli - 25 il olması öz-özlüyündə bir göstəricidir. Bu müddət ərzində təhlükəsizlik sahəsində əməkdaşlıq edilərək Azərbaycanın təhlükəsiz, sabit bir dövlət olmasına, iqtisadiyyatın neft və qaz sahəsinin inkişafına kömək göstərilib. Eyni zamanda, qanunun aliliyi, korrupsiya ilə mübarizə sahəsində insanların görmək, yaşamaq istədiyi bir şəraitin yaradılması istiqamətində də əməkdaşlıq etmişik".

Trend-in məlumatına görə, bunu ABŞ-ın Azərbaycandakı səfiri Robert Sekuta deyib.

Seçkilərdən sonra ABŞ-Azərbaycan əlaqələrində hansı istiqamətlərin prioritet olacağına münasibət bildirən səfir qeyd edib ki, ABŞ-a müxtəlif partiyalardan olan şəxslərin prezidentlik etdiyi dövrlərdə - istər Bill Klinton, istər Corc Buş, istərsə də Barak Obama administrasiyası dövründə Azərbaycan və ABŞ-ın yaxşı əlaqələri olub:

"Güman edirəm ki, təhlükəsizlik, iqtisadi, xüsusilə enerji sahəsində, o cümlədən demokratiya, qanunun aliliyi sahəsində indiyədək mövcud olan və rəhbər tutulan prinsiplər münasibətlərimizdə yenə də önəmli olacaq. Bununla belə, mən yeni administrasiyanın adından bir söz deyə, çıxış edə bilmərəm. Hesab edirəm ki, seçilmiş prezident Tramp öz fəaliyyətinin bir hissəsi kimi hakimiyyətin təhvil alınması ilə məşğul olmalıdır. Keçid prosesinin daha mütəşəkkil olması üçün hakimiyyətdə olan administrasiya hazırki məsələlər və yeni administrasiyanın cağırışları barədə Tramp administrasiyasını indidən məlumatlandırır ki, onlar müvafiq qərarları indidən verməyə başlasınlar".

Məqalədə:
Xəbər lenti

Xəbər lenti