...

Bolqarıstana səfər etmək istəyənlərin nəzərinə - Konsuldan AÇIQLAMA

Siyasət Materials 5 Yanvar 2018 08:08 (UTC +04:00)
Bolqarıstan Bakı və Sofiya arasında hava reyslərinin açılması ilə əlaqədar Azərbaycandan turist axınının artacağını gözləyir.
Bolqarıstana səfər etmək istəyənlərin nəzərinə - Konsuldan AÇIQLAMA

Trend-i buradan izləyin

Bakı. Ləman Zeynalova - Trend:

Bolqarıstan Bakı və Sofiya arasında hava reyslərinin açılması ilə əlaqədar Azərbaycandan turist axınının artacağını gözləyir.

Bunu özəl olaraq Trend-ə Bolqarıstanın Azərbaycandakı konsulu Kirill Apostolov deyib.

Onun sözlərinə görə, həmin reys bu il yanvarın 16-dan başlayaraq “Buta Airways” şirkəti tərəfindən həyata keçiriləcək.

Viza məsələləri barədə danışan K.Apostolovun sözlərinə görə, hazırda Bolqarıstan yalnız milli viza verir ki, bu da Şengen zonasına daxil olmaq hüququ vermir: “Amma Bolqarıstan Nazirlər Şurasının qərarına əsasən ölkə Şengen vizası sahibləri üçün birtərəfli qaydada vizasız rejim tətbiq edəcək. Onlar qısamüddətli Bolqarıstan vizasını əldə etmədən 3 aydan artıq olmayaraq ölkəyə daxil ola və yaşaya bilərlər”.

Konsul onu da qeyd edib ki, Bolqarıstan həmçinin Rumıniya, Kipr və Xorvatiya tərəfindən verilən viza və yaşayış icazəsi sahiblərinə də vizasız rejim tətbiq edir: “Bu cür sənəd sahibləri qısamüddətli Bolqarıstan vizasını əldə etmədən 90 gündən çox olmayaraq Bolqarıstanda qala bilər”.

K.Apostolovun sözlərinə görə, Azərbaycan vətəndaşları Bolqarıstan vizalarını Bolqarıstanın Bakıdakı səfirliyinin konsulluq şöbəsindən ala bilərlər. Viza üçün müraciət səyahət tarixindən azı üç ay müddətindən tez olmayaraq edilməlidir: “Azərbaycan vətəndaşları üçün vizanın rəsmiləşdirilməsi üçün ödəniş 35 avro təşkil edir”.

Konsul bildirib ki, viza üçün müraciətlərin sayı mövsümdən asılı olaraq dəyişir: “Adətən viza üçün konsulluq şöbəmizə yay mövsümündə daha çox müraciət olunur. Son iki il yarım ərzində Bolqarıstan səfirliyinin konsulluq şöbəsi heç bir Azərbaycan vətəndaşına viza verilməsindən imtina etməyib. Viza imtinası ilə üzləşməmək üçün lazımi sənədlər siyahısına əməl etmək lazımdır”.

Məqalədə:
Xəbər lenti

Xəbər lenti