Bakı. Azad Həsənli - Trend:
Azərbaycan-Rusiya İşgüzar Şurası ilə Rusiya-Azərbaycan İşgüzar Şurası arasında əməkdaşlıq haqqında saziş imzalanıb.
Trend-in məlumatına görə, sənədi Bakıda IX Azərbaycan-Rusiya Regionlararası Forumu çərçivəsində Azərbaycan-Rusiya və Rusiya-Azərbaycan İşgüzar şuralarının sədrləri Səməd Qurbanov və Aleksey Repik imzalayıblar.
İmzalanma mərasimindən sonra A.Repik jurnalistlərə bildirib ki, sazişin əsas vəzifələrindən biri tərəflərin bir-birini öz yerli bazarlarında təqdim etmək üçün rəsmi imkan əldə etməsi və məsələn, Rusiyada azərbaycanlı tərəfdaşların qarşılaşdığı məsələlərin həllinə kömək etməkdir.
O qeyd edib ki, sənəd ölkələr arasında yeni dialoq formatı yaradan institusional çərçivədir.