Bakı. Trend:
ABŞ prezidenti Cozef Bayden vəzifəsinin icrasına yanvar ayında başladığından ilk xarici səfərini iyun ayında Britaniya və Belçikaya edəcək.
Trend-in məlumatına görə, bu barədə Ağ evdən bildiriblər.
C.Bayden 11-13 İyun tarixlərində Britaniyanın Kornvelda keçiriləcək G7 Sammitinə qatılacaq və qrup üzvlərinin liderləri ilə ikitərəfli görüşlər keçirəcək.
Bayden daha sonra 14 iyun tarixində keçiriləcək NATO və ABŞ-AB Sammitlərində iştirak etmək, eyni zamanda digər NATO liderləri ilə ikitərəfli görüşlər keçirmək üçün Belçika paytaxtı Brüsselə yollanacaq.