Bakı. Trend:
Türkiyə səfirliyi Azərbaycana göstərdiyi dəstəyə görə təşəkkür edib.
Trend-in məlumatına görə, bu barədə səfirliyin tvitter hesabında bildirilib.
“Qardaş Azərbaycandan axtarış-xilasetmə heyəti, texnika və itləri daşıyan birinci təyyarə bu gün saat 12:45-də, ikinci təyyarə saat 16:25-də, üçüncü təyyarə isə bu yaxınlarda havaya qalxıb. Sabah səhər saatlarında səhiyyə işçilərini daşıyacaq 4-cü təyyarənin havaya qalxması planlaşdırılır.Dəstəyiniz və həmrəyliyiniz üçün təşəkkür edirik”, - deyə qeyd edilib.
Xatırladaq ki, bu gün Türkiyədə səhər saatlarında 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub.