...

Ermənistan hələ də minalanmış ərazilərin dəqiq xəritələrini verməkdən boyun qaçırır - Səbinə Əliyeva

Siyasət Materials 31 Mart 2023 11:34 (UTC +04:00)
Ermənistan hələ də minalanmış ərazilərin dəqiq xəritələrini verməkdən boyun qaçırır - Səbinə Əliyeva
Fərid Zöhrabov
Fərid Zöhrabov
Bütün xəbərlər

Quba. Trend:

Ermənistan hələ də işğaldan azad edilmiş ərazilərdə minalanmış ərazilərin dəqiq xəritələrini təhvil verməkdən müxtəlif bəhanələrlə boyun qaçırır.

Trend-in məlumatına görə, bunu bu gün Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva Qubada 31 mart Azərbaycanlıların Soyqırımı Gününə həsr olunmuş “Etnik təmizləmə və soyqırımı cinayətlərinin hüquqi aspektləri: tarixi faktlar kontekstində” mövzusunda keçirilən konfransda deyib.

O qeyd edib ki, çoxsaylı insan itkilərinə və xəsarətlərə səbəb olan mövcud mina problemi azad edilmiş ərazilərimizdə aparılan genişmiqyaslı tikinti-quruculuq və bərpa işlərinə, eləcə də sülhə ciddi maneə yaradır, təhlükəsiz qayıdışı ləngidir.

“Məlumat üçün bildirirəm ki, ümumilikdə, Vətən müharibəsi zamanı və müharibədən sonrakı dövrdə Ombudsman tərəfindən 16 hesabat, 28 bəyanat, 7-si videoformatda olmaqla, 33 müraciət, 300-dən çox mətbuat açıqlaması, habelə 3 videoçarx hazırlanaraq, beynəlxalq təşkilatlara, məhkəmələrə göndərilmiş, geniş şəkildə yayımlanmışdır. Bu istiqamətdəki fəaliyyət hazırda da uğurla davam etdirilir.

Təəssüflə qeyd etmək istərdim ki, ermənilər tərəfindən azərbaycanlılara qarşı törədilmiş müharibə, insanlıq əleyhinə cinayətlərə, habelə terror və soyqırımı aktlarına dair kifayət qədər əsaslı sübut və dəlillər olsa da, Azərbaycana münasibətdə nümayiş etdirilən ikili standartlar səbəbindən sülh və insanlıq əleyhinə olan bu cinayətlərə beynəlxalq miqyasda hələ də adekvat reaksiya verilməmişdir.

Fürsətdən istifadə edib bir daha beynəlxalq təşkilatları ikili standartlara yol vermədən, Azərbaycanlılara qarşı törədilmiş bu ağır cinayətlərə münasibətdə beynəlxalq hüquq normaları əsasında qətiyyətli və ədalətli mövqe nümayiş etdirməyə, soyqırımı aktını tanımağa çağırıram”, - deyə o əlavə edib.

Məqalədə:
Xəbər lenti

Xəbər lenti