Bakı. Trend:
Azərbaycan Ermənistanla münasibətlərin normallaşmasının
tərəfdarıdır. Danışıqlar prosesinin baş verməsini yüksək
qiymətləndiririk. Hesab edirik ki, bəlli bir fasilədən sonra
liderlər səviyyəsində görüşün keçirilməsi müsbət haldır.
Trend-in məlumatına görə, bunu jurnalistlərə açıqlamasında
Azərbaycanın xarici işlər naziri Ceyhun Bayramov deyib.
O bildirib ki, Azərbaycan tərəfinin danışıqlar prosesində yanaşması
davamlıdır.
"Azərbaycan danışıqlar prosesinin və normallaşmanın tərəfdarıdır.
Əfsuslar olsun ki, Ermənistan tərəfindən qeyri-ardıcıl və
ziddiyyətli yanaşmalar və fikirlər səslənir. Bilirsiniz ki, sülh
danışıqlarında altı aya yaxın fasilə olub və daha sonra bu
danışıqlar beynəlxalq vasitəçilərin rolu nəzərə alınmaqla bu
yaxınlarda yenidən başlayıb. Hesab edirik ki, bəlli bir fasilədən
sonra liderlər səviyyəsində görüşün keçirilməsi müsbət haldır", -
deyə nazir bildirib.
Qeyd edək ki, Brüsseldə Azərbaycan Prezidenti İlham Əliyev və Ermənistan baş naziri Nikol Paşinyan arasında görüşün keçirilməsi nəzərdə tutulur.