Bakı. Trend:
Azərbaycan və Gürcüstan münasibətləri regionda çox mühim rol oynayır.
Trend xəbər verir ki, bu barədə bu gün Gürcüstan xarici işlər naziri Maka Boçorişvili Azərbaycan xarici işlər naziri Ceyhun Bayramov ilə birgə Bakıda keçirilən mətbuat konfransında çıxışı zamanı deyib.
Nazir qeyd edib ki, Azərbaycan Gürcüstanın ən böyük iqtisadi tərəfdaşlarından biridir.
“Biz mühüm layihələr barədə müzakirələr apardıq. Hansı ki, bu layihələr nəinki bizə, bütün regiona fayda gətirir. Biz daha böyük strateji layihələr icra edə bilərik.
Ümid edirəm ki, yaxın vaxtlarda Azərbaycan,Türkiyə və Gürcüstan xarici işlər nazirlərinin görüşü baş tutacaq və daha maraqlı layihələr üzrə müzakirə aparacağıq”,- deyə o bildirib.