Bakı. Trend:
Estoniya Azərbaycana Ukraynaya göstərdiyi humanitar dəstəyə görə təşəkkür edir.
Trend xəbər verir ki, bunu Bakıda Azərbaycanın xarici işlər naziri Ceyhun Bayramovla birgə mətbuat konfransında Estoniyanın xarici işlər naziri Marqus Tsaxna deyib.
"Biz yaxşı bilirik ki, sabit infrastruktur olmadan qışı keçirmək nə qədər çətindir, bu, Ukraynada baş verənləri nəzərə alaraq. Biz çox məmnunuq və Azərbaycana, o cümlədən iqtisadi və humanitar dəstəyə görə çox təşəkkür edirik - bu, son dərəcə vacibdir", - o deyib.
Nazir həmçinin, əməkdaşlığın və Ukraynaya dəstəyin davam etdirilməsinin vacibliyini vurğulayaraq, birgə səylərin bu gün xüsusilə vacib olduğunu qeyd edib.