İyunun 2-də Gürcüstan Azərbaycanlıları Milli Assambleyasının prezidenti Daşqın Gülməmmədov Müsavat Partiyasının başqanı İsa Qəmbərlə görüşüb. Bu barədə Trend ə Daşqın Gülməmmədov məlumat verib.
Görüşdə qarşılıqlı əməkdaşlıq məsələləri və Gürcüstanda yaşayan azərbaycanlıların problemləri ilə bağlı fikir mübadiləsi aparılıb. Həmçinin GAMA prezidenti D.Gülməmmədov İsa Qəmbərə Gürcüstan azərbaycanlıları ilə bağlı son hadisələr haqda məlumat verib. D.Gülməmmədov qeyd edib ki, Gürcüstan azərbaycanlılarının problemləri Azərbaycan ictimayyətinin diqqət mərkəzində olmalı və lazımı tədbirlər görulməlidir. Musavat başqanı isə vurğulayıb ki, soydaşlarımızın Gürcüstan hökuməti qarşısında hər hansı tələb qaldırması yalnız demokratik prinsiplərə və insan huquqlarının qorunmasına əsaslanmalıdir. Görüşdə Gürcüstanda qanunsuz həbsdə saxlanılan siyasi dustaqlar GAMA üzvü Qacar Hüseynov və Telman Həsənovun azad edilməsi ilə bağlı birgə işlərin aparılması razılaşdırılıb.
