Beş aydır ki, Vəhdət Partiyası dialoqla bağlı Yeni Azərbaycan Partiyası (YAP) rəhbərliyinə etdiyi müraciətin cavabını gözləyir. Bu barədə Trend ə Vəhdət Partiyasından bildiriblər.
Qeyd edək ki, adıçəkilən partiyanın Siyasi Şurası fevralın 14-də iqtidar partiyası ilə dialoq aparmağa qərar verib. YAP-la dialoqun aparılmasına hazırlıq isə partiyanın sədrinə həvalə edilib.
Vəhdət Partiyasından bildiriblər ki, dialoqa hazır olmaları ilə bağlı onlar tərəfindən bütün addımlar atılıb. O da qeyd olunub ki, dialoqda Dağlıq Qarabağ problemi, regionların sosial-iqtisadi inkişafı, kadr dəyişikliyi, korrupsiya, rüşvətxorluğa qarşı mübarizə, məhkəmə-hüquq sahəsində islahatlar və mənəviyyat məsələlərinin müzakirəsi nəzərdə tutulub. Hələ qarşı tərəfdən cavab yoxdur.