Naxçıvan Şəhər Əhalinin Sosial Müdafiəsi Mərkəzi 1035 ailəyə ünvanlı sosial yardım ödəməkdən imtina edib. Trend in Naxçıvan Bürosunun məlumatına görə, buna səbəb müraciətlərə baxılarkən qanunvericiliyin həmin ailələrə yardım ayrılmasına yol verməməsidir.
Mərkəzin direktoru Mədət İsmayılov bildirib ki, mərkəzə müraciət edənlərdən 373 nəfər sosial yardımın verilməsinə təsir edəcək hallar barədə zəruri məlumat vermədiyi üçün, 251 ailə orta aylıq gəlirinin ehtiyac meyarından çox olması, 384 ailəyə isə Naxçıvan MR Məşğulluq Mərkəzi tərəfindən təklif olunan işə getməməsi səbəbindən yardımın verilməsindən imtina edilib.
Müraciət edən digər 27 ailəyə ünvanlı sosial yardımın verilməməsi isə orta aylıq gəlirlərinin 3 mislindən çox məbləğdə alqı-satqı edilməsi, istifadə müddəti 20 ilədək olan nəqliyyat vasitələrinin olması, yardımçı təsərrüfatlarında heyvanların sayı limitdən artıq olması və ailə təsərüfatında kredit götürmə səbəbləri ilə bağlı olub.
