Dekabrın 21-də Azərbaycanda səfərdə olan ATƏT-in Demokratik Təsisatlar və İnsan Haqları Bürosunun rəhbəri Kristian Ştrohal hüquq müdafiəçiləri və Vəkillər Kollegiyasının üzvləri ilə görüşüb. Görüşdə iştirak etmiş hüquq müdafiəçisi Səidə Qocamanlının Trend ə verdiyi məlumata görə, görüşdə əsasən Azərbaycanda insan haqlarının vəziyyəti müzakirə obyekti olub.
Həmçinin görüşdə Azərbaycanda Vəkillik İnstitutunun yaradılması və digər sahələrdəki problemlərə də toxunulub.
Görüşdə Vəkillər Kollegiyasının üzvləri Aslan İsmayılov, Fuad Ağayev, müstəqil hüquq müdafiəçiləri Eldar Zeynalov, İntiqam Əliyev, Leyla Yunus və digərləri də iştirak ediblər.
