Azərbaycan, Bakı / Trend , müxbir İ.Əlizadə / Fevralın 25-də Azərbaycan Milli İstiqlal Partiyası (AMİP) Mərkəzi Şurasının iclası keçiriləcək. Bu barədə Trend ə açıqlamasında AMİP-in mətbuat və təbliğat katibi Əli Orucov məlumat verib.
Ə.Orucov qeyd edib ki, Mərkəzi Şuranın iclasında enerji daşıyıcılarının qiymətlərinin artırılmasından sonra ölkədə yaranmış ictimai-siyasi vəziyyət müzakirə olunacaq, AMİP-in seçkili orqanlarının hesabatları dinləniləcək.
Onun sözlərinə görə, partiyanın mərkəzi qərərgahı olmadığına görə Mərkəzi Şuranın iclası AMİP-in Nəsimi rayon təşkilatının qərərgahında keçiriləcək.
Qeyd edək ki, AMİP 1992-ci ildə yaradılan və Azərbaycanda ilk dövlət qeydiyyatına alınan partiyadır. Müxalifəti təmsil edən AMİP-in qurucusu və 2004-cü ilin sonunadək sədri olan Etibar Məmmədov hazırda Beynəlxalq Demokrat İttifaqının (BDİ) sədr müavinidir. E.Məmmədov partiyanın lideridir . AMİP-in hazırkı sədri Ayaz Rüstəmovdur.
