Azərbaycan, Bakı/ Trend müxbir E.Hüseynli/ Ədalət Partiyasının qurultayının iyunda keçirilməsi nəzərdə tutulur. Bu barədə məlumat verən partiya sədrinin müavini Elxan Şükürlü bildirib ki, qurultayın keçirilməsi üçün şəhər və rayon təşkilatlarında konfransların keçirilməsi işi sürətlənib.
Şükürlünün sözlərinə görə, qurultayda partiyanın Nizamnaməsinə və rəhbər strukturlarına dəyişikliklərin edilməsi gözləniləndir. Qurultayın gündəliyi partiyanın şəhər və rayon təşkilatlarına konfranslar başa çatdıqdan sonra müəyyənləşdiriləcək.
