Azərbaycan, Bakı / Trend müxbir İ.Əlizadə/ "Azərbaycan Respublikası Silahlı Qüvvələri Qarnizon və qaravul xidmətləri nizamnaməsinin təsdiq edilməsi haqqında" və "Azərbaycan Respublikası Silahlı Qüvvələrinin Daxili Xidmət nizamnaməsinin təsdiq edilməsi haqqında" qanunlarda dəyişiklik ediləcək.
Artıq məsələyə Milli Məclisin Təhlükəsizlik və müdafiə məsələləri daimi komissiyasında baxılıb və onların parlamentin plenar iclasında müzakirəyə çıxarılması qərara alınıb.
Bu qanunlarda dəyişiklik edilməsini nəzərdə tutan qanunvericilk təşəbbüsü prezident İlham Əliyev tərəfindən Milli Məclisə göndərilib. Layihədə hərbi sirr anlayışlarının dövlət sirri ilə əvəzlənməsi nəzərdə tutulur. Çünki "Dövlət sirri haqqında" qanunda sirlərin məxfilik dərəcəsi və siyahısı verildiyi üçün həmin qanunlardakı hərbi sirr anlayışına ehtiyac qalmır.