Azərbaycan, Bakı, 4 oktyabr /müx. "TrendLife" Vüqar Vüqarlı/ Prodüserlər özlərinə aid olan vəzifələri yerinə yetirmirlər. Bu haqda çox yazılıb, çox deyilib. Lakin şou-biznesdə Anar Mədətov nadir prodüserlərdəndir ki, özünün prodüser mərkəzi var. "TrendLife"ın müxbiri Anara belə bir sualla müraciət etdi: "Əsl prodüserdə hansı keyfiyyətlər olmalıdır?" Anar isə öz növbəsində bu suala çox sadə cavab verdi: "Ən əsası prodüser öz sənətini sevməlidir, müştərilərlə işləməyi bacarmalıdır. İndi bizdə çoxları sinələrinə döyüb, özlərini prodüser adlandırır. Göstərməyə isə onların heç nəyi yoxdur. Sadəcə onlar ifaçı işinin bəhrəsini görürlər".