Azərbaycan, Gəncə,12 fevral / Trend ", müxbir V. Məmmədov/ Gəncə şəhərinin orta ümumtəhsil məktəblərində bədən tərbiyəsi ixtisası üzrə müəllim çatışmazlığı var. Bu barədə çərşənbə axşamı Trend ə Gəncə şəhər Təhsil İdarəsinin rəisi Mahal Əliyev məlumat verib.
Gəncənin 5 orta məktəbində bədən tərbiyəsi müəllimi çatışmır. 2008-2009- cu tədris ili üçün 3 bədən tərbiyəsi müəlliminə ehtiyac var.
Əliyev deyib ki, hazırda 5 - dən artıq məktəbdə bədən tərbiyəsi müəllimlərinin çatışmaması ucbatından bu fənn üzrə dərslər yüksək səviyyədə keçirilmir. Onun sözlərinə görə, ixtisas dəyişən və kollec təhsili alan müəllimlər orta məktəblərə işə qəbul edilməyəcək. "İxtisas dəyişən və kollec bitirən müəllimlərin təhsil müddəti bir ildir. Bu müddət ərzində onlar təhsil proqramını tam mənimsəyə bilmirlər. Biz müəllim qəbulu zamanı bakalavr və magistratura təhsili alanlara üstünlük verəcəyik" - Təhsil İdarəsinin rəisi əlavə edib. Əliyev bildirib ki, paytaxt Bakıdan 365 kilometr qərbdə yerləşən Gəncədə bir müəllimə 9 şagird düşür.
Müəlliflə əlaqə saxlamaq üçün elektron ünvan - [email protected]
