Azərbaycan, Bakı,16 fevral /müx. TrendLife Şahin Cavadsoy
Ekstravaqand geyimləri, özünəməxsus səs imkanı ilə həmkarlarından fərqlənən bəstəkar-müğənni Elza Seyidcahan səfərə hazırlaşır. Yolunu yenidən Almaniyanın Köln şəhərindən salacaq sənətçi qastrol səfərinin məqsədi barədə TrendLife-a bunları söylədi: "Əgər yadınızdadırsa ötən il Dünya Azərbaycanlılarının Həmrəyliyi günü ərəfəsində mənim sözügedən şəhərdə yaradıcılıq gecəm keçirilib. Həmin tədbiri təşkil edən həmyerlilərimizin təklifi ilə Novruz bayramında da Kölndə konsertim təşkil olunacaq. Çox istəyirəm ki, xaricdə fəaliyyət göstərən azərbaycanlılar güclü lobbi yaratsınlar və biz sənətçilər də onlara dəstək vermək üçün dünyanın dörd bir yanında öz konsertlərimizlə çıxış edək".