Azяrbaycan, Bakы, 05 sentyabr / Trend , mцxbir S.Kazımlı/ Boks üzrə Azərbaycan milli komandasının sabiq üzvü, Sidney Yay Olimpiya Oyunlarının bürünc medalçısı Vüqar Ələkbərovun cinayət işi üzrə hazırlıq iclası keçirilib.
Ələkbərova qarşı Cinayət Məcəlləsinin hədə-qorxu ilə tələb etmə - külli miqdarda əmlak əldə etmək məqsədi hədə-qorxu ilə tələb etmə (182.3.2) maddəsi üzrə cinayət işi açılıb.
Ələkbərov
bu il mayın 16-da DİN-in Baş Mütəşəkkil
Cinayətkarlıqla Mübarizə İdarəsinin
əməkdaşları tərəfindən saxlanılıb və barəsində Bakının
Nərimanov rayon məhkəməsinin qərarı ilə
həbs-qətimkan tədbiri seçilib.
İttiham aktına görə, Ələkbərov "İnşaatçı E" MMC-nin təsisçisi Kənan Quliyevdən 10 min dollar pul tələb edib.
Hazırlıq iclasında Ələkbərovun vəkili Pərviz Ələkbərov vəsatət qaldıraraq hüquqlarını müdafiə etdiyi şəxs barəsində həbs-qətimkan tədbirinin dəyişdirilməsini və zərərçəkmiş Quliyevin bu ilin mayında telefon danışıqları barədə "Azercell"ə sorğu göndərilməsini xahiş edib. Onun vəsatətləri təmin olunmayıb.
İş üzrə məhkəmə baxışı sentyabrın 9-da keçiriləcək.
Mцяlliflя яlaqя saxlamaq цчцn elektron цnvan- [email protected]