Azərbaycan, Bakı, 06 aprel / Trend , müxbir K.Zərbalıyeva /
Latın Amerikası Azərbaycanlıları Assosiasiyasının rəsmi təqdimatı olub.
"Meksikanın qədim Çapultepek qəsrində yerləşən Milli Tarix Muzeyində Latın Amerikası Azərbaycanlıları Assosiasiyasının (LAAA) rəsmi təqdimatı keçirilib", - bazar ertəsi Trend -a Azərbaycanın Diasporla İş üzrə Dövlət Komitəsinin mətbuat xidmətindən məlumat verilib.
Təqdimat mərasiminə Meksikanın parlament üzvləri, bir neçə nazirlik və digər rəsmi qurumlarının təmsilçiləri, diplomatik korpusun nümayəndələri, həmçinin ölkədəki türk, Ukrayna və yəhudi diasporlarının fəalları qatılıblar.
Sonra Azərbaycan haqqında sənədli film nümayiş etdirilib, Azərbaycanın muğam və rəqs ustalarının iştirakı ilə konsert proqramı təqdim olunub. Azərbaycanlı incəsənət xadimləri Mexiko ştatının Toluka şəhərində yaşayan həmvətənlərimiz qarşısında da konsert proqramı ilə çıxış ediblər.
Məqalə müəllifi ilə əlaqə ünvanı: [email protected]
