Azərbaycan, Bakı, 6 may /Trend, müxbir H.Bağırov/
Azərbaycanda terror barədə yalan məlumat verməkdə ittiham olunan şəxs məhkəmə zalından azadlığa buraxılıb.
Trend-in məlumatına görə, bu gün Ağır Cinayətlərə Dair İşlər Üzrə Məhkəmədə Bakı Metropoliteninin "Əzizbəyov" stansiyasına bomba qoyulması ilə bağlı yalan məlumat verən Füzuli rayon Kürdmahmudlu kənd sakini, 1993-cü il təvəllüdlü Əliyev Elnur Azad oğlu 2 il şərti cəza alaraq, məhkəmə zalından azadlığa buraxılıb.
Əliyev istifadəsində olan mobil telefonla Fövqəladə Hallar Nazirliyinin (FHN) "112" xidmətinə zəng edərək, "Əzizbəyov" stansiyasına bomba qoyulması ilə bağlı məlumat verib. FHN-nin və hüquq-mühafizə orqanlarının apardıqları axtarış zamanı metrostansiyada partlayıcı maddə aşkarlanmayıb.
Əməliyyat-axtarış tədbirləri nəticəsində Əliyev polis tərəfindən saxlanılıb.
Əliyev Azərbaycan Cinayət Məcəlləsinin terrorçuluq barədə bilə-bilə yalan məlumat vermə (216) maddəsi ilə ittiham olunub.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
