Azərbaycan, Bakı, 27 may /Trend, müxbir M.Əliyev/
Türk xalqlarının konqresi avqustun sonlarında Qaqauziyada (Moldovanın tərkibində muxtariyyət) keçiriləcək. Bu barədə qərar Sofiyada keçirilən Beynəlxalq Türk Gəncləri Birliyi (BTGB) Liderlər Şurasının 10-cu toplantısında qəbul edilib. Bu barədə Azərbaycan Gənclər və İdman Nazirliyinin məlumatında deyilir.
Bundan başqa, iclasın gedişində Türk Dünyası gənclərinin 15-ci qurultayının Qazaxıstanda, Naxçıvanda və ya Kiprdə keçirilməsinə hazırlıq işlərinin sürətləndirilməsi, eləcə də BTGB-nin saytının yaradılması barədə də qərar qəbul edilib.