İran Parlamentinin spikeri Əli Laricani iyunun 29-da Suriyaya səfər edəcək. Bu barədə Trend İranın IRNA xəbər agentliyinə istinadən məlumat verir.
Laricani Suriyaya İslam Konfransı Təşkilatına üzv ölkələrin Parlamentlərarası İttifaqının fövqəladə iclasında iştirak edəcək. İclasda Fələstin məsələsi, xüsusilə də Qəzzadakı son vəziyyət araşdırılacaq.
Laricani üçgünlük səfəri zamanı iclas çərçivəsində digər ölkələrdən olan həmkarları ilə görüşlər də keçirəcək.
İslam Konfransı Təşkilatına üzv ölkələrin Parlamentlərarası İttifaqınınn fövqəladə iclası iyunun 30-da Suriyada keçiriləcək.