Azərbaycan, Bakı, 16 avqust /Trend, müxbir M.Əliyev/
Qısamüddətli təhsil qrupları uşaqların ölkənin məktəbəqədər təhsil müəssisələrinə cəlb edilməsi faizinin yüksəldilməsinə, uşaq bağçalarının həddindən artıq dolması problemini qismən həll etməyə kömək edəcək. Bu barədə bazar ertəsi Trend-ə Təhsil Nazirliyinin məktəbəqədər təhsil sektorunun direktoru Nərminə Əlnağıyeva bildirib.
Qısamüddətli təhsil qruplarındakı uşaqlar gündə bir neçə saat müxtəlif ekskursiyalarda iştirak edəcəklər, onlarda məktəbə hazırıq keçiriləcək. Bu qrupların pilot layihəsi Bakıda və paytaxtın beş qəsəbəsində həyata keçiriləcək.
"2010-cu ilin sentyabrından Təhsil Nazirliyi bu layihənin həyata keçirilməsinə başlayacaq. Əgər layihənin monitorinqinin nəticələri qənaətbəxş olarsa, o, respublikanın bütün ərazisinə yayılacaq", - Əlnağıyeva bildirib.
Onun sözlərinə görə, hazırda Azərbaycanın uşaq bağçalarında sıxlıq müşahidə olunur. Çünki valideynlərin əksəriyyəti uşaqlarının məktəbəqədər təhsili başa vurduqdan sonra, məktəblərini müəyyən etməyə çalışırlar.
Məktəbəqədər təhsil sektorunun direktoru özəl uşaq bağçalarında təhsilin qiymətinin çox yüksək olması ilə bağlı bildirib ki, nazirlik fəaliyyətin maliyyə tərəfinə nəzarət edə bilmir, yalnız həmin müəssisələrdəki təhsilin metodikasını, tərbiyəni yoxlayır.
Hazırda Azərbaycanda 1 635 uşaq bağçası fəaliyyət göstərir, onlardan 1 571-i dövlətə məxsusdur. Bütün müəssisələrdə 108 minə qədər uşaq tərbiyə alır.