Azərbaycan, Bakı, 24 fevral /Trend, müxbir M.Əliyev/
Futzal üzrə Avropa çempionatının seçmə mərhələsinin Bakıda keçirilən 1-ci qrupunun oyunlarına cümə axşamı start verilib. Bakı İdman Sarayında keçirilən günün ilk oyununda İspaniya və Fransa milli komandaları qarşılaşır.
Avropa çempionatında iştirak üçün keçirilən turnirdə Azərbaycanın yer aldığı 1-ci seçmə qrupda İspaniya, Fransa və Qazaxıstan mübarizə aparır.
Xorvatiyada 2012-ci ildə keçiriləcək Avropa çempionatında ev sahibindən başqa, 6 seçmə qrupun qalibləri və 5 ən yaxşı qrup ikincisi vəsiqə qazanacaq.
Azərbaycan qrupda ilk oyununu cümə axşamı Qazaxıstana qarşı, ikinci oyununu fevralın 25-də Fransaya, üçüncü oyununu isə fevralın 27-də İspaniyaya qarşı keçirəcək. Millinin oyunları Bakı İdman Sarayında saat 21:00-da keçiriləcək.