...

Bakının dəmiryol vağzalı və avtovağzalı normal rejimdə fəaliyyət göstərir

Cəmiyyət Materials 7 Fevral 2012 10:39 (UTC +04:00)
Azərbaycanda dəmiryol reysləri cədvəl üzrə həyata keçirilir. Bu barədə çərşənbə axşamı Trend-ə "Azərbaycan Dəmir Yolları" QSC-nin mətbuat xidmətinin rəhbəri Nadir Əzməmmədov deyib.
Bakının dəmiryol vağzalı və avtovağzalı normal rejimdə fəaliyyət göstərir

Trend-i buradan izləyin

Azərbaycan, Bakı, 7 fevral / Trend, müxbir E.İsmayılov/

Azərbaycanda dəmiryol reysləri cədvəl üzrə həyata keçirilir. Bu barədə çərşənbə axşamı Trend-ə "Azərbaycan Dəmir Yolları" QSC-nin mətbuat xidmətinin rəhbəri Nadir Əzməmmədov deyib.

"Hələki vəziyyət normaldır və qatarlar plan üzrə hərəkət edir", - Əzməmmədov bildirib.

Onun sözlərinə görə, Bakı dəmiryol vokzalında problemlər müşahidə olunmur.

Bakı Beynəlxalq Avtovağzalından çərşənbə axşamı Trend-ə bildirilib ki, beynəlxalq və şəhərlərarası reyslər üzrə hərəkət edən avtobuslar bu gün xəttə çıxıblar.

"Sərnişinlərin olacağı təqdirdə avtobuslar marşrut üzrə hərəkət edəcəklər", - avtovağzaldan qeyd edilib.

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosundan Trend-ə verilən məlumata görə, bu gün Bakıda və Abşeron yarımadasında güclü şimal-qərb küləyinin əsəcəyi, qar yağacağı gözlənilir. Bu gecə və sabah gün ərzində çovğun olacağı ehtimalı var. Yollar buz bağlayacaq. Kəskin hava şəraitinin fevralın 9-u səhərə qədər davam edəcəyi proqnozlaşdırılır.

Xəbər lenti

Xəbər lenti