Azərbaycan, Bakı, 2 mart / Trend müxbir İ.İsabalayeva/
Eurovision.tv saytında "Eurovision" mahnı müsabiqəsi Bakı- 2012 İşçi Qrupunun "Azərbaycana səyahət" layihəsi start götürüb. Bu barədə Trend cümə günü "Eurovision-2012" mahnı müsabiqəsinin rəsmi saytına istinadən məlumat verir.
Bu silsilədən yayımlanacaq reportajlarda qədim tarixi olan Azərbaycanın mədəniyyəti, incəsənəti və turizm məkanları tanıdılacaq. Eləcə də Azərbaycan xalqının çoxəsrlik adət-ənənələri, milli-mədəni dəyərləri, memarlıq və sənət inciləri barəsində videomateriallar yayımlanacaq.
Həmin silsilədən ilk reportaj İçərişəhərdə çəkilib.