Azərbaycan, Bakı, 13 aprel /Trend/
Eurovision.tv saytı Bakının "Eurovision 2012" mahnı müsabiqəsinə hazırlığı ilə bağlı "Azərbaycana səyahət" silsiləsindən növbəti videoreportajı təqdim edib.
Trend eurovision.az saytına istinadən xəbər verir ki, Eurovision.tv-də Azərbaycan barəsində yayımlanan növbəti reportaj milli mədəniyyətimizin vacib məqamlarından birinə həsr edilib. Tamaşaçılar bu dəfə Azərbaycanın "Çay dəstgahı" ilə tanış olublar.
Eurovision Mahnı Müsabiqəsi Bakı 2012 İşçi Qrupunun təqdim etdiyi reportajda çay süfrəsinin hazırlanmasından süfrəyə verilməsinədək olan proses maraqlı və zəngin kadrlarda əksini tapıb.
