Azərbaycan, Bakı, 18 may /Trend, müxbir İ.İsabalayeva/
Azərbaycan turistləri yay aylarında dincəlmək üçün artıq digər xarici ölkələrə də maraq göstərməyə başlayıblar. Bunu cümə günü Trend-ə Azərbaycan Turizm Assosiasiyasının (AzTA) sədri Nahid Bağırov deyib.
Onun sözlərinə görə, Azərbaycan turistləri Avropa ölkələri, o cümlədən Monako və Afrika, Asiya ölkələrinə səyahət etməyə maraq göstərirlər.
Bağırov deyib ki, Xorvatiya və Krıma da artıq çarter reyslər təşkil olunub. Bu da turistlərin həmin yerlərə səfər etməsinə marağı artıra bilər.
Assosiasiya sədrinin sözlərinə görə, amma ümumilikdə ötən illərdə olduğu kimi, bu il də azərbaycanlı turistlərin daha çox Türkiyədə dincələcəyi gözlənilir. O, bunu Türkiyənin bir sıra şəhərlərinə aviareyslərin qiymətinin ucuzlaşması ilə də izah edib.