Azərbaycan, Bakı, 27 iyun /Trend, müxbir A.Axundov/
Bakı şəhərindəki ümumtəhsil müəssisələrini bitirən şagirdlərin hamısına artıq attestatlar və şəhadətnamələr təqdim edilib. Trend-in məlumatına görə, bunu çərşənbə günü jurnalistlərə Azərbaycanın təhsil naziri Misir Mərdanov deyib.
Onun sözlərinə görə, hazırda digər rayon və şəhərlərdə attestat və şəhadətnamələrin verilməsi üçün iş aparılır.
Nazir bu məsələ ilə bağlı heç bir problemin olmadığını da qeyd edib.
"Attestatın verilməsi ilə bağlı heç bir gərginlik yoxdur. Dünən bayram günü olmasına baxmayaraq, nazirliyin əməkdaşları işləyiblər", - Mərdanov əlavə edib.