Azərbaycan, Bakı, 1 sentyabr /Trend, müxbir İ.İsabalayeva/
Bakının Qaradağ rayonunda avqustun 31-də səhər saatlarında sərnişin avtobusu ilə sərnişin qatarının toqquşması nəticəsində Kliniki Tibbi Mərkəzə yerləşdirilən xəstələrdən 6-sı evə buraxılıb. Bunu şənbə günü Trend-ə Səhiyyə Nazirliyinin mətbuat xidmətinin rəhbəri Anar Qədirli deyib.
Onun sözlərinə görə, hazırda Mərkəzdə 22 nəfər müalicə olunur. Onlardan 6-nın vəziyyəti orta-ağır qiymətləndirilir.
Qədirli bildirib ki, hazırda 1 yaralı Elmi Tədqiqat Travmatologiya və Ortopediya İnstitutu, 1 nəfəri isə Mərkəzi Neftçilər Xəstəxanasında müalicə edilir.
Qeyd edək ki, hadisə nəticəsində ümumilikdə 54 nəfər xəsarət alıb. Onlardan 6-sı dünyasını dəyişib.