Azərbaycan, Bakı, 29 may /Trend/
Bakıda Dənizkənarı Milli Parkda 28 May - Respublika Günü münasibətilə bayram konserti və atəşfəşanlıq olub.
Trend-in məlumatına görə, Saat qülləsinin yanında bir neçə saat davam edən konsertdə şəhərimizin sakinləri və qonaqları tanınmış incəsənət ustalarının çıxışlarını böyük maraqla izləyiblər.
Milli Parka toplaşanlar Bakının səmasını al-əlvan rənglərə boyayan bayram atəşfəşanlığını maraqla seyr ediblər.