Azərbaycan, Bakı, 16 sentyabr /Trend, müxbir E.İsmayılov/
ARDNŞ işlənilmə və sənaye istehsalı üçün nəzərdə tutulmuş ərazilərdə yerləşən yaşayış tikililərinin sökülməsi ilə bağlı heç bir iş aparmır. Trend-in məlumatına görə, bu barədə bazar ertəsi jurnalistlərə ARDNŞ prezidenti Rövnəq Abdullayev bildirib.
Onun sözlərinə görə, hazırda ARDNŞ yalnız ucaldılmış yeni tikililərə qarşı mübarizə aparır: "Daha əvvəl sənayə ərazilərində ucaldılmış tikililər sökülmür".
R.Abdullayev qeyd edib ki, ARDNŞ daha öncə qanunsuz tikililərlə bağlı bütün zəruri məlumatları, koordinatları və siyahıları dövlət komissiyasına təqdim edib: "Hökumət yaxın vaxtlarda bu məsələ üzrə qərar qəbul etməlidir".