Azərbaycan, Bakı, 17 oktyabr /Trend, müxbir İ.İsabalayeva/
Azərbaycan Milli Elmlər Akademiyası (AMEA) Elmi Müəssisələrinin Direktorlar Şurası təsis edilib. Trend-in məlumatına görə, bu barədə Akademiyanın Rəyasət Heyətinin iclasında bildirilib.
Şuranın sədri AMEA prezidenti Akif Əlizadə təyin edilib.
Bununla yanaşı, AMEA-nın Gənc Alim və Mütəxəssislər Şurasının yaradılması tövsiyə edilib. İclasda AMEA elmi müəssisə və təşkilatlarının rəhbərlərinə bu il noyabrın 30-dək Gənc Alim və Mütəxəssislər Şurasının yaradılması tapşırılıb.
Dekabrın 31-dək AMEA Gənc Alim və Mütəxəssislər Şurasının təsis yığıncağının keçirilməsi nəzərdə tutulur.