Azərbaycan, Bakı, 1 oktyabr /Trend, müxbir Rufiz Hafizoğlu/
Türkiyənin Azərbaycandakı səfirliyinin mətbuat müşaviri Hamit Karadeniz Azərbaycan xalqını Qurban bayramı münasibətilə təbrik edib. Bu barədə Türkiyə səfirliyindən Trend-ə daxil olan məlumatda bildirilir.
Karadeniz bayram təbrikində Azərbaycan xalqına, İslam dünyasına və türk dünyasına sülh və əmin-amanlıq arzulayıb.
Qeyd edək ki, bu il Azərbaycanda Qurban bayramı oktyabrın 4 və 5-də qeyd ediləcək.