...

Mixaylonun əfsanəvi komandiri Cavad Həkimlinin 100 illiyi qeyd edilib (FOTO)

Cəmiyyət Materials 20 Noyabr 2014 14:37 (UTC +04:00)
Azərbaycan Hərb Tarixi Muzeyində Avropa müqavimət hərəkatının iştirakçısı Cavad Ataxəlil oğlu Həkimlinin anadan olmasının 100 illik yubileyi münasibətilə tədbir keçirilib.
Mixaylonun əfsanəvi komandiri Cavad Həkimlinin 100 illiyi qeyd edilib (FOTO)

Trend-i buradan izləyin

Azərbaycan, Bakı, 20 noyabr /Trend, müxbir İlkin İzzət/

Azərbaycan Hərb Tarixi Muzeyində Avropa müqavimət hərəkatının iştirakçısı Cavad Ataxəlil oğlu Həkimlinin anadan olmasının 100 illik yubileyi münasibətilə tədbir keçirilib.

Müdafiə Nazirliyinin mətbuat xidmətindən Trend-ə bildiriblər ki, Muzeyin rəisi, ehtiyatda olan polkovnik Əzizağa Qənizadə tədbiri açaraq qeyd edib ki, Azərbaycan xalqının qəhrəman övladı, Avropa müqavimət hərəkatının əfsanəvi iştirakçılarından biri olan Cavad Həkimlinin qəhrəmanlıqla dolu həyat yolu Vətənimizin hər bir vətəndaşı üçün nümunədir.

Cavad Həkimli Vətəndən uzaqlarda - İtaliya və Yuqoslaviyada partizan hərəkatında faşizmə qarşı mübarizədə cəsarətlə iştirak edərək xalqımızın adını dünya antifaşist hərəkatının şərafət və fəxarət səhifələrinə yazıb. Onun adı, həmçinin əfsanəvi partizan Mehdi Hüseynzadənin (Mixaylonun) komandiri kimi hərb tariximizin qızıl səhifələrinə həkk olunub.

Cavad Həkimlinin Böyük Vətən müharibəsində İtaliya və Yuqoslaviyada əsirlərin faşist hərbi dəstələri ilə mübarizəsində göstərdiyi böyük rəşadət və mahir təşkilatçılıq nümunələri danılmaz həqiqətdir.

Tədbirdə Müdafiə Nazirliyinin, xüsusi təyinatlı təhsil müəssisələrinin, hərbi hissələrin, Hərbi Akademiyanın, veteran şuralarının, şəhər muzeylərinin nümayəndələri, həmçinin Cavad Həkimlinin yaxın qohumları və digər təşkilatların əməkdaşları iştirak ediblər.

Tədbirdə muzeyin baş elmi işçisi Nuru Məmmədovun, elmi işçi Nuranə Nəcəfovanın, Cavad Həkimlinin yaxın qohumlarının və digər işçitakçıların məruzələri dinlənib.

Sonda Cavad Həkimlinin döyüş yoluna həsr edilən sənədli film nümayiş olunub.

Məqalədə:
Xəbər lenti

Xəbər lenti