Bakı. Hüseyn Vəliyev - Trend:
BakıKart-ların alınması və yüklənməsi artıq yeni MilliÖN terminallarında mümkündür. Bunu Trend-ə "Komtec" şirkətindən deyiblər.
Yeni MilliÖN terminalları Bakının 50 avtobus dayanacağında quraşdırılıb. Gələcəkdə avtobus dayanacaqlarında olan terminalların sayı 300-ə çatdırılacaq. Gediş kartı almaq üçün "BakıKart" bölməsini seçmək lazımdır. Kartın qiyməti - 2 manatdır. Terminallarda həm qəpik, həm də əskinaslar ödəmək mümkündür. Lakin terminallarda pulun qalığı qaytarılmır, alınmış kartın geri qaytarılması da nəzərdə tutulmayıb.
BakıKart-ların yüklənməsi üçün teminalın kart-riderindən istifadə etmək lazımdır. Monitorda yüklənmiş və kartın balansındakı məbləğ göstərilir.
Yeni MilliÖN terminallarında həmçinin kommunal xidmətlər, mobil telefon, internet və kabel televiziyaları üçün ödəmələr də mümkündür.