Bakı. Elçin Mehdiyev – Trend:
Qafqaz Müsəlmanları İdarəsinin (QMİ) sədri Allahşükür Paşazadə dindarlara məzhəb ayrı-seçkiliyi yaratmağa çalışan insanlar barədə dərhal müvafiq qurumlara məlumat verməyi tövsiyə edib.
Trend-in məlumatına görə, A.Paşazadə Azərbaycanda dini sabitliyin mövcud olduğunu qeyd edib:
“Biz məzhəb ayrı-seçkiliyinə yol verə bilmərik, buna şərait yarada bilmərik. Dövlətimizin də siyasəti odur ki, ölkəmizdə məzhəb ayrı-seçkiliyi olmasın. Əgər görsəniz ki, kimsə sünni-şiə ayrı-seçkiliyi yaratmağa çalışır, dərhal bizə məlumat verin ki, lazımi tədbirlər görülsün və bu cür cəhdlərin qarşısı alınsın”.