Bakı. Trend:
İnquşetiya Qətərə içməli suyun çatdırılması məsələsini nəzərdən keçirir.
Trend-in məlumatına görə, bunu TASS agentliyinə İnquşetiya rəhbəri Yunus-Bek Yevkurov deyib.
Onun sözlərinə görə, suyun Qətərə çatdırılmasının bir neçə yolu var: bu həm hava, həm dəniz, həm də quru vasitəsi ilə həyata keçirilə bilər. "Qətərin İranla yaxşı münasibətləri var. Ona görə, Novorossiysk, yaxud Mahaçqala və Həştərxan limanlarından dənizlə tədarük mümkündür. Həmçinin Azərbaycandan, İrandan keçməklə "təkər üzərində" ola bilər", - deyə Yevkurov qeyd edib.