Bakı. İlhamə İsabalayeva - Trend:
Səhiyyə Nazirliyinin mətbuat xidmətinə yeni rəhbər təyin olunub. Səhiyyə Nazirliyinin mətbuat xidmətinin mütəxəssisi Səfayə Əhmədovanın Trend-ə verdiyi məlumata görə, bu vəzifəyə Pərviz Abubəkirov təyin edilib.
S.Əhmədova əlavə edib ki, P.Abubəkirov artıq bu gündən vəzifəsinin icrasına başlayıb.
Qeyd edək ki, P.Abubəkirov ANS-də “Cinayət işi” və İTV-də “Qanundan kənar” verilişlərinin aparıcısı olub.
Xatırladaq ki, bundan öncə Səhiyyə Nazirliyinin mətbuat xidmətinin rəhbəri olmuş Liya Bayramova öz ərizəsi ilə işdən ayrılmışdı.