...

Müsabiqə qalibləri təltif edilib (FOTO)

Cəmiyyət Materials 16 Dekabr 2019 20:02 (UTC +04:00)
“Azərbaycan ədəbiyyatında İmadəddin Nəsimi irsi” müsabiqəsi qaliblərinin mükafatlandırılma mərasimi keçirilib.
Müsabiqə qalibləri təltif edilib (FOTO)

Bakı. Trend:

Bakı Şəhəri üzrə Təhsil İdarəsi (BŞTİ) tərəfindən təşkil olunmuş “Azərbaycan ədəbiyyatında İmadəddin Nəsimi irsi” müsabiqəsi qaliblərinin mükafatlandırılma mərasimi keçirilib.

İdarədən Trend-ə verilən məlumata görə, müsabiqənin məqsədi Azərbaycanın söz sənəti və ədəbiyyat tarixində yüz illər boyu yaşayan Nəsimi irsi barədə məktəbliləri daha geniş məlumatlandırmaq, yetişməkdə olan gənc nəslin bədii və fəlsəfi fikrə marağını artırmaq, həmçinin şagirdlərdə mütaliə vərdişlərini, bədii, obrazlı və məntiqi təfəkkürü, tədqiqat bacarıqlarını inkişaf etdirmək, istedadlı, yüksək analitik düşüncə və təhlil qabiliyyətinə malik şagirdlər yetişdirməkdən ibarətdir.

Tədbirdə BŞTİ-nin müdiri Rəşad Tağıyev, İdarənin struktur bölmə rəhbərləri, məktəb direktorları, müəllimlər, valideynlər, şagirdlər, Uşaq-Gənclər İnkişaf Mərkəzlərinin dərnək üzvləri və KİV nümayəndələri iştirak ediblər.

BŞTİ-nin müdiri Rəşad Tağıyev son illərdə ölkəmizdə bütün sahələr üzrə istedadlı şagirdlərin aşkara çıxarılmasına xüsusi diqqət yetirildiyini, onların bilik və bacarıqlarının inkişafı istiqamətində böyük işlər görüldüyünü bildirib. İdarə müdiri istedadlı şagirdləri həvəsləndirmək, onların yaradıcılığa olan marağını artırmaq, şagirdlər arasında sağlam rəqabət mühiti yaratmaq məqsədilə BŞTİ tərəfindən il ərzində çoxsaylı müsabiqələrin təşkil edildiyini söyləyib.

Müsabiqə qaliblərini təbrik edən Rəşad Tağıyev onlara gələcək təhsil yollarında daha böyük uğurlar arzulayıb.

Tədbir Uşaq-Gənclər İnkişaf Mərkəzlərinin dərnək üzvlərinin ifasında ədəbi-bədii kompozisiyalarla davam edib.

Sonda müsabiqədə qalib olmuş şagirdlərə diplom və qiymətli hədiyyələr təqdim olunub.

Qeyd edək ki, üç mərhələdə təşkil olunan müsabiqənin məktəbdaxili mərhələsinin nəticələrinə əsasən, hər məktəbdən 3 şagird rayon turunda iştirak etmək hüququ qazanıb. İkinci-rayon mərhələsində 247 məktəb üzrə 741 məktəbli iştirak edib və onlardan 51-i final mərhələsinə vəsiqə qazanıb. Müsabiqənin final mərhələsinin nəticələrinə görə 80 nömrəli tam orta məktəbin şagirdi birinci, 125 və 110 nömrəli tam orta məktəblərin şagirdləri ikinci, 92, 76 və 309 nömrəli tam orta məktəblərin şagirdləri isə üçüncü yerin qalibi olublar. Eyni zamanda, 139, 46, 189-190, 181, 99, 283, 210, 322 və 231 nömrəli məktəblərin şagirdləri həvəsləndirici yerlərə layiq görülüblər.

Məqalədə:
Xəbər lenti

Xəbər lenti