Bakı. Trend:
Paytaxtda üçotaqlı evdə yanğın baş verib.
Trend-ə Fövqəladə Hallar Nazirliyindən (FHN) verilən məlumata əsasən, Bakı şəhərinin Pirallahı rayonunda ümumi sahəsi 50 m² olan birmərtəbəli 3 otaqlı evin dam örtüyünün yanar konstruksiyaları 40 m² sahədə və bir otağında yataq dəsti yanıb.
Yüksək temperaturdan kondisioner əriyib. Evin qalan hissəsi yanğından mühafizə olunub.
Yanğın yanğından mühafizə bölmələri tərəfindən söndürülüb.