Bakı. Trend:
AMEA Rəyasət Heyətinin xüsusi iclası keçirilib.
Trend-in məlumatına görə iclas Azərbaycan Milli Elmlər Akademiyasının "Teknofest" festivalında iştirakının nəticələri ilə bağlı olub.
İclasda çıxış edən AMEA-nın prezidenti vəzifələrini icra edən akademik Arif Həşimov bildirib ki, festival çərçivəsində türkiyəli həmkarlarla, Türkiyə Elmlər Akademiyası və TUBİTAK-ın rəhbərliyi ilə bir sıra rəsmi işgüzar görüşlər keçirilib, qarşılıqlı əməkdaşlıqla bağlı mühüm məsələlər müzakirə edilib.
AMEA-nın vitse-prezidenti akademik Rasim Əliquliyev həmçinin qeyd edib ki, festivalın hazırda dünyada və regionda baş verən yeni sosial-iqtisadi, siyasi, geosiyasi, həmçinin elmi və mədəni proseslər kontekstində ölkədə elmi-innovativ fəaliyyətin təşkili, türk dünyası ilə əməkdaşlıq əlaqələrinin inkişafı, elmin populyarlaşdırılması, texnoloji transfer və s. istiqamətlərdə Azərbaycan elmi qarşısında bir sıra yeni vəzifələr müəyyənləşdirir.