Bakı. Trend:
2022-ci ilin yanvar-may aylarında Azərbaycanda əhaliyə göstərilən ödənişli xidmətlərin dəyəri 2021-ci ilin müvafiq dövrü ilə müqayisədə real ifadədə 8,1 faiz artaraq 3 milyard 512,1 milyon manat olub.
Bu barədə Trend-ə Dövlət Statistika Komitəsindən məlumat verilib.
Hüquqi şəxslər tərəfindən əhaliyə 2606,6 milyon manatlıq xidmət göstərilmişdir ki, bu da xidmətlərin ümumi dəyərinin 74,2 faizini təşkil edib.
Cari ilin yanvar-may aylarında hər bir ölkə sakini orta hesabla 349,6 manatlıq və ya ötən ilin müvafiq dövrü ilə müqayisədə nominal ifadədə 54,9 manat çox müxtəlif ödənişli xidmətlərdən istifadə edib.