Bakı. Trend:
Böyükşor gölünün suyunda ammonium ionunun miqdarı normadan 4, sintetik səthi aktiv maddələr 2.7, E-coli şərti xəstəliktörədən bakteriyaların miqdarı isə 2 min 660 dəfə normadan artıqdır.
Trend-in məlumatına görə, bunu Xəzər Kompleks Ekoloji Monitorinq İdarəsinin rəisi Nazim Mahmudov Abşeron göllərinin ekoloji vəziyyətinə dair keçirilən ictimai dinləmədə deyib.
Onun sözlərinə görə, Zığ gölünün suyunda sintetik səthi aktiv
maddələrin miqdarı normadan 2.9, ammonium ionunun miqdarı normadan
5, neft karbohidrogenlərinin miqdarı isə 19 dəfə artıqdır, E-coli
şərti xəstəliktörədən bakteriyaların miqdarı isə normanı 730 dəfə
ötüb:
"Xocəsən gölündən götürülən su nümunələrinin kimyəvi və
mikrobioloji təhlili onu göstərir ki, gölün suyunda ammonium
ionunun miqdarı normanı 10.4, oksigenin biokimyəvi sərfi 22 dəfə
normanı keçib. E-coli şərti xəstəliktörədən bakteriyaların miqdarı
normadan 3 min 840 dəfə artıqdır".